બોલીવુડના પ્રખ્યાત અભિનેતા સૈફ અલી ખાન અને તેની પહેલી પત્ની અમૃતા સિંહની પુત્રી સારા અલી ખાન બોલીવુડમાં એક ખાસ ઓળખ બનાવી ચૂકી છે. સારા બાળપણથી જ અભિનેત્રી બનવાનું સપનું જોતી હતી અને તેણે આ સપનું પૂરું પણ કર્યું.
આટલું જ નહીં પરંતુ સારાએ થોડા સમયમાં જ બોલીવુડ ઈંડસ્ટ્રીમાં પોતાના નામના ઝંડા ગાડી દીધા અને કરોડોની સંપત્તિની માલકિન પણ બની ગઈ છે. પોતાના દમ અને મહેનતથી નામ કમાવનારી સારા અલી ખાન દર મહિને તગડી કમાણી કરે છે અને વર્ષમાં કરોડો કમાય છે. ચાલો જાણીએ સારા અલી ખાનની સંપત્તિ વિશે.
ફિલ્મ ‘કેદારનાથ’ થી ડેબ્યૂ કરનારી સારા અલી ખાન પોતાની શ્રેષ્ઠ એક્ટિંગ માટે જાણીતી છે. તેમણે પોતાની પહેલી ફિલ્મથી લોકોના દિલ જીતી લીધા હતા. ત્યાર પછી તેને બોલીવુડની ઘણી મોટી ફિલ્મોમાં કામ કરવાની તક મળી. એક અહેવાલ મુજબ તો સારા અલી ખાન લગભગ 29 કરોડની સંપત્તિની માલકિ છે.
સારાની પાસે માત્ર લક્ઝરી ગાડીઓ જ નથી પરંતુ તેની પાસે પોતાનું ખરીદેલું એક લક્ઝરી ઘર પણ છે. જણાવી દઈએ કે સારાની મર્સિડીઝ જી વેગનની કિંમત 1.3 કરોડ રૂપિયા જણાવવામાંં આવે છે. આ સિવાય તેની પાસે હોંડા સીઆરવી કાર પણ છે, જેની કિંમત આશરે 30 લાખ રૂપિયા છે.
વાત કરીએ જો તેના ઘરની તો ફિલ્મોમાં નામ કમાવ્યા પછી અને થોડા પૈસા કમાવ્યા પછી સારાએ મુંબઈમાં જ એક ઘર ખરીદ્યું જેની કિંમત લગભગ 1.5 કરોડ રૂપિયા હોવાનું જણાવવામાં આવે છે. કહેવામાં આવી રહ્યું હતું કે સારા અલી ખાન આ ઘરમાં શિફ્ટ પણ થઈ ગઈ છે, જો કે પછી તેમણે જણાવ્યું હતું કે તે પોતાની માતા અને ભાઈ સાથે જ રહે છે.
સારા અલી ખાન પાસે મોંઘી મોંઘી બ્રાંડના કપડાં અને ઘડિયાળોનું પણ સારું કલેક્શન છે. આ સાથે જ તે લક્ઝરી પર્સનો પણ શોખ ધરાવે છે. સારા પાસે લાલ રંગની બોટ્ટેગા વેનેટા મિલાનો ઉલુરુ બેગ પણ છે, જેની કિંમત 6 લાખ રૂપિયા છે. આ સિવાય તેની પાસે બુલગારી સર્પેન્ટી ટ્યુબોગાસની ઘડિયાળ છે જેની કિંમત આશરે 9 લાખ રૂપિયા હોવાનું કહેવાય છે.
સાથે જ વાત કરીએ સારાના આઉટફિટની તો તે હંમેશા ડિઝાઈનર અને મોંઘા કપડાં પહેરવાનો શોખ ધરાવે છે. સારા અલી ખાન 40 થી 50 હજાર રૂપિયા સુધી આઉટફિટ પહેરેલી જોવા મળે છે જેમાં તે ખૂબ જ સુંદર લાગે છે. આ સિવાય સારાને મોંઘી મોંઘી કુર્તી પાયજામા પહેરવાનો ખૂબ શોખ છે, તે મોટેભાગે ટ્રેડિશનલ લુકમાં જ જોવા મળે છે.
ફિલ્મો સિવાય સારા અલી ખાન જાહેરાતો અને બ્રાંડ એંડોર્સમેંટ દ્વારા પણ સારી કમાણી કરી લે છે. રિપોર્ટ અનુસાર સારા દર મહિને 50 લાખ રૂપિયાથી વધુ કમાય છે પરંતુ તેની દર વર્ષની કમાણી 29 કરોડ રૂપિયાથી વધુ હોવાનું કહેવાય છે.
જણાવી દઈએ કે, સારા અલી ખાને વર્ષ 2018 માં ફિલ્મ ‘કેદારનાથ’ થી પોતાની કારકિર્દીની શરૂઆત કરી હતી. આ ફિલ્મમાં તે પ્રખ્યાત અભિનેતા સુશાંત સિંહ રાજપૂત સાથે જોવા મળી હતી. ત્યાર પછી સારા પ્રખ્યાત અભિનેતા રણવીર સિંહ સાથે ફિલ્મ ‘સિંબા’માં જોવા મળી હતી. તેમાં પણ સારાની એક્ટિંગની ખૂબ પ્રશંસા કરવામાં આવી.
પછી તેણે ફિલ્મ ‘લવ આજ કલ 2’ અને ‘કુલી નંબર 1’ માં કામ કર્યું ત્યાર પછી તે બોલીવુડમાં છવાઈ ગઈ. કામની વાત કરીએ તો સારા અલી ખાન ટૂંક સમયમાં અક્ષય કુમાર અને ધનુષની સાથે ફિલ્મ ‘અતરંગી રે’માં જોવા મળશે. આ સિવાય પણ તે ‘ધ ઈમોર્ટલ અશ્વત્થામા’માં જોવા મળશે. કહેવામાં આવી રહ્યું છે કે આ ફિલ્મમાં સારા પહેલીવાર એક્શન કરતી જોવા મળશે.
નોંધપાત્ર વાત એ છે કે જ્યારે સારાએ ફિલ્મી દુનિયામાં પગ મુક્યો ન હતો તે પહેલા તેનું વજન 96 કિલો હતું. પરંતુ ફિલ્મોમાં આવતાની સાથે જ તેણે પોતાની જાતને ફિટ બનાવી લીધી અને આજે ફિટનેસની બાબતમાં તે સૌથી આગળ છે. સારા અલી ખાન સોશિયલ મીડિયા પર ખૂબ જ એક્ટિવ રહે છે અને ઘણી વાર તેની સુંદર તસવીરો શેર કરતી જોવા છે. સોશિયલ મીડિયા પર પણ સારા અલી ખાનની ફેન ફોલોઈંગ જબરદસ્ત છે.
Disclaimers- matters given in this article is totally based on media reports, astrology beliefs and Ayurveda principles.. therefore in certain cases it may not be apply for all.. viewers have to see this with their own intellectuals and knowledge..
ચેતવણી- ઉપરના આર્ટિકલના તમામ પ્રસારણ અને માલિકી હક “પેજ એડમીન”ને છે.. તેથી આર્ટિકલ કે તેનો કોઈ ભાગ મંજૂરી વગર કોપી કરવો એ ફેસબુક કન્ટેન્ટ ગાઈડલાઈનના કોપીરાઈટ એક્ટ મુજબ ગુનો બને છે.. જો ક્યાંય કોઈ એવું કરતા ધ્યાનમાં આવશે તો કાયદેસરની કાર્યવાહી કરવામાં આવશે
